十大購買村屋注意事項:
1, 銀行按揭
村屋一般銀行只能做到5-7成上會就算再加二按(HKMC)最多都只能做到8成半,
而且好多大銀行對村屋估價都是比較偏低,所以常常會發生估唔到價的情況
所以首期有限的買家一定要好小心.必須要問清楚銀行是否估價到,否則好容易失預算.
2, 路權 – 官地/私家地/
因為大多數村屋都是在私家農地上建成, 而每幅私家農地都各有業權
所以好容易發生被其它農地業權人圍封, 所以買村屋時一定要上地政署查閱 (Lot Index Plan)
文件會清楚看到那些是私家地, 那些是官地, 有沒有路到到單位.
3, 四周環境 – 永久開揚/前後左右會否有樓起/環境
前文講過, 大多數村屋都是在私家農地上建成,每幅地都是你貼我, 我貼你,
即是話你起得村屋.我一樣起得.只是時間上的問題, 所以如果你購買的單位現時是開揚.
不等於明天都會開揚. 如果屋前或附近有私家地.一樣有機會起樓.所以一定要注意買村屋前一定要先上地政署看看.
4, 斜坡責任 – 如何查閱鈄坡責任?
斜坡責任誰屬.有三種 1, (私家斜坡)要業主負責維修,而動不動都要過百萬.
2, (政府斜坡)就由地政署負責 3, (政府及私人) 就由雙方負責
而相關鈄坡資料都可以在政府部門公開查閱.
順帶一提.如果單位是有斜坡維修令.是無銀行會肯上會.
5, 僭建物 – 玻璃屋/圍封露台/影響上會
近來最多講的話題就是僭建, 如果單位有僭建會有什麼問題呢?
最大問題就是會影響上會, 有些銀行有僭建都可以上會, 但大部份都銀行都不能上會,
所以該單必須清拆及還原才可以買賣, 問題是清柝費是買方還是賣方俾.
而地政署在網上都有清楚講明什麼叫僭建,大家可以上地政署網站查閱
6, 維修保養 – /吸化糞/單位維修/
有九成村屋都是沒有管理, 所以大多數維修都是個別業主.自己維修自己的一層.
而好少人會留意就是排污系統, 現在已有小部份村屋排污是直出大渠,
但大部份村屋還是源用化糞池, 而化糞池一般一年吸1-3次但有些就年先需要吸.
看看住戶是怎樣便用.所以要留意這方面的支出.
7, 花園 -必須要了解花園是否入契，還是霸貼官地或私人地
好多時業主賣樓都會話連花園. 或連入契花園, 到低怎樣分呢,
所謂入契即是花園是自己, 有契有文件, 可在土地註冊署查閱,及地政署查看(Lot Index Plan)
而一些業主會霸佔私人土地 或政府官地作為自己花園,這些一般叫不入契花園.
隨時會被政府或私人業主收回, 所以要小心留意.
8, 對外通訊/接收 (有什麼上網供應商?pxxw, 收唔收到高清. 安裝天線問題)
好多人會問.村屋有什麼公司可以上網..以前我只會答你 pxxw,
不過現在科枝進步了很多, 只要收到手提訊號就可以上到網了.
但我正想講.好多低層單位都未必收到手提訊號,
還有是否收到電視高清台呢, 我想大家未必知..天台單位是絕對有權唔俾你上去裝天線.
所以這邊面都要留意啦.
9, 交通配套/泊車事宜
好多人會話.住村可以車泊門口, 周圍泊都得啦. 這個是超錯誤想法,
周圍泊是可以.只限政府官地同唔阻到人, 但好有可能會日日俾人抄牌.
而私家地亂泊換來只會愛驅傷痕纍纍,大家應該明我講乜.
其實好多村入面只要俾錢都會有車位租到一般都是500-700元, 所以唔好慳個少少錢了
現在住村屋唔同以前了. 現在好多村屋的交通配套都好好, 多數都有線小巴路線,
有些還會好近鐵路沿線. 但要留意晚上有沒有交通工具回家(的士唔計)
10, 搬屋問題 – 大件傢私上唔到樓梯/每層收費越高越貴..
村屋沒有升降機.所以搬屋一定要行樓梯, 而搬運一般傢俱電器多數都沒有問題,
但有些大件都傢俱電器就未必上到樓, 如梳化, 洗衣機, 床褥, 雪櫃就可能需要露台吊上去
還要留意.好多村屋都未必是車到門口, 而搬運公司一搬過了100米就另收服務費,
還有每上一層都要另加收費.大家要留意留意.
